Serikali yapunguza kodi ya VAT

Tweeted this Like this, be the first of your Friends

SERIKALI imepunguza kiwango cha Kodi ya Ongezeko la Thamani (VAT) kutoka asilimia 18 za sasa kuwa asilimia 1O kuanzia Julai1, mwaka huu. Waziri wa Fedha na Uchumi, Dk William Mgimwa alilieleza bunge mjini Dodoma wakati akisoma Makadirio na Mapato ya Serikali kwa mwaka 2012/13 jana, kuwa hatua hiyo inalenga kuwianisha kiwango kinachotolewa nchini na kile cha kimataifa. Watakao nufaika na uamuzi huu ni wote waliokuwa wanalipa kodi hiyo, isipokuwa wale wenye msamaha wa kodi hiyo kwa makubaliano maalum na Serikali. Wazir ialiwataja watakaonufaika kuwa ni kampuni binafsi, mtu mmoja mmoja, wale walio sajiliwa katika Kituo cha Uwekezaji (TIC). Kwa mujibu wa waziri huyo, pia punguzo hilo litayanufaisha mashirika yasiyo kuwa ya kiserikal iisipokuwa yale yanayotoa misaada ya chakula na matibabu kwa watoto, vituo vya watoto yatima na shule. Vile vile Dk Mgimwa ametangaza kutoa msamaha wa VAT kwa mashine za kutolea stakabadhi (Electronic Fiscal Devices) ili kupunguza bei yake na kuwezesha wafanya biashara wengi kuwa nazo, kuhamasisha matumizi yake hivyo, kuongeza mapato ya Serikali. Katika eneo hilo, Serikali imeondoa VAT kwa vifaa mbalimbali vya kuhifadhia, kusafirisha na kusambaza gesi asilia ili kuongeza matumizi ya nishati hiyo katika sekta mbalimbali za kiuchumi,  kwenye magari, majumbani na viwandani. “Lengo ni kutunza misitu, kulinda mazingira na kuhamasisha utengenezeji wa majiko ya gesi hapa nchini,” alisisitiza Dk Mgimwa.