UCHAGUZI YANGA KAMPENI KUZINDULIWA LEO

Tweeted this Like this, be the first of your Friends

Francis Kaswahili katibu kamati ya uchaguzi ya Yanga akiongea asubuhi ya leo katika kipindi cha michezo ndani ya Hello Tanzania Uhuru fm .

Uzinduzi wa kampeni kwa wagombea wa nafasi mbalimbali za uongozi ndani ya klabu ya Yanga unafanyika leo leo katika makao makuu ya klabu hiyo yaliyopo makutano ya mitaa Twiga na Jangwani kariakoo Jijini Dar es Salaam.

Akizungumza asubuhi hii katika kipindi cha HelloTanzania cha Redio Uhuru katibu wa kamati ya uchaguzi ya klabu ya Yanga Fransis Kaswahili amesema wanataraji kuanza uzinduzi huo saa 10:00 jioni ambapo wagombea wote watakuwepo na kwamba fursa ya kujieleza na kutangaza sera itatolewa kwa wagombea wote.

Kaswahili amesema kikubwa ni kutolewa maelezo ya namna ya kufanya kampeni na utaratibu mzima utakavyo kuwa wakati wote wa kipindi cha kampeni ambazo zitafikia kikomo Julay 14 saa 12:00 jioni.

Aidha amesema kwa ujumla wagombea watatembea matawi takribani 100 ndani ya kipindi hicho huku muda wa kujieleza mbele ya wanachama wa klabu ukiwa ni si zaidi ya dakika tano.

Wakati huo huo kocha mpya wa Yanga Thom Seintfeit anatarajia kuanguka siani ndani ya Klabu hiyo hii katika shughuli ambayo itafanyika pia makao makuu ya klabu hiyo.Taarifa zaidi tufuatilie mtandao huu baadae.