KAGASHEKI: UNESCO YARIDHIA OMBI LA TANZANIA

Tweeted this Like this, be the first of your Friends

WAZIRI wa Maliasili na Utalii, Balozi Khamis Kagasheki amesema, Kamati ya Urithi wa Dunia imekubali ombi la Tanzania la kurekebisha mpaka wa Pori la akiba la Selous na kuruhusu kuanza mchakato wa uchimbaji wa Madini ya Urani.

Balozi Kagasheki alisema hayo jana Jijini Dar es Dar es Salaam mbele ya waandishi wa habari kuwa, Kamati ya Dunia ya Shirika la Umoja wa Mataifa la Elimu, Sayansi na Utamaduni (Unesco) katika kikao cha 36 kilichoanza Juni 24 ambacho kinafikia kilele  kesho huko Saint Persbburg nchini Urusi imeridhia  ombi hilo.

“Kufuatia kukubaliwa kwa ombi hilo la nchi yetu, nachukua fursa hii kutoa shukrani kwa Kamati ya Urithi wa Dunia (IUCN), Kituo cha Urithi wa Dunia na Taasisi mbalimbali ambazo walichangia katika kufanikisha ombi letu kukubaliwa” alisema Balozi Kagasheki na kuongeza:
Uamuzi uliotolewa na Kamati ya Urithi wa Dunia utatupatia uwezo na fursa nzuri ya kutimiza malengo yetu kiuchumi na kijamii kwa wananchi.

Executive Director wa UN-World tourism Organization (UNWTO) Mr. Frederic Pierret (kushoto) akizungumza na waandisi wa habari, kulia ni Mkurugenzi wa utalii –Ministry of Natural Resources and Tourism Mr. Ibrahim Mussa.

Waziri  huyo alisema ombi hilo kwa mara ya kwanza lilipelekwa katika  kikao cha 35 cha Kamati hiyo ya Urithi wa Dunia ya Unesco, Januari Mwaka jana na kuhamishia mjadala huo mwaka huu.

“Uamuzi huo ulifanyika ili kuruhusu Tathimini ya Athari ya Mazingira (EIA), kukamilishwa na kutoa muda kwa wataalamu wa IUCN kufika eneo lililohusika ili kuliona na kulihakiki kabla ya kuruhusu ombi letu” , alisema Balozi Kagasheki.

Balozi Kagasheki alisema, Kampuni itakayopata nafasi ya kuchimba madini hayo, itatakiwa kuhakikisha kiasi cha fedha kinachopatikana kinawasaidia wananchi wanaozunguka hifadhi hiyo.

“Kitu cha kwanza ni kuwanufaisha wananchi kielimu, huduma za afya na kiasi kingine cha fedha kitatumika katika kuhifadhi hifadhi hiyo ili iendelee kuwa katika hali nzuri,” alisema na kuongeza:
Eneo ambalo limeruhusiwa kurekebisha mpaka huo ni asilimia 0.8 (Kilomita 400), ya eneo la Pori ambalo lina ukubwa wa Kilomita 50,000 ambapo ni moja kati ya Hifadhi kubwa duniani zenye viumbe mbalimbali.

Balozi Kagasheki alisisitiza kuwa madini hayo ni ya watanzania na kinachotakiwa hapo ni kuhakikisha wananufaika wao kwanza kabla ya kuanza kujinufanisha kwa baadhi ya watu.
Kwa mjibu wa Unesco, wanyama wanaopatikana katika hifadhi hiyo ni Vifaru Weusi, Duma, Twiga, Viboko,Mamba pamoja na Mbuga na Misitu ya Miombo.