StatsCrop - Free website analyzer!
Mkufunzi na Mtathmini wa Veta, Joyce Mwinuka alibainisha hayo katika mahojiano na mwandishi wa habari hizi akibainisha kuwa mwaka huu mamlaka hiyo itakamilisha zoezi la kukagua vyuo vilivyo chini yake lilioanza mwaka 2009.
“Muda huo utaanza kuhesabiwa Novemba mwaka huu, mwanzo tulikuwa na vyuo 900, lakini vilivyobaki sasa havifiki 700, vingine siyo kama tumevifuta, bali tumevipa mwongozo wa kufuata,” alisema Mwinuka. Alisema kuwa, tofauti na miaka iliyopita watu walikuwa wakifungua vyuo na baadaye kwenda Veta kuvisajili vyeta, lakini sasa watatakiwa kupata mwongozi wa mamlaka hiyo kabla ya kufungua vyuo hivyo.
“Hii ni kwa sababu kuna taratibu zinatakiwa kufuatwa, kwa mfano ni wapi karakana itakapokuwa, iwe na vigezo gani na vitu vingine kama hivyo,” alisema Mwinuka. Naye Meneja Uhusiano wa Veta Grace Kabogo, alisema chuo hicho kinahakikisha kuwa utoaji mafunzo yake ya ufundi stadi unasaidia vijana kujiajiri. Alisema kuwa katika kuthibitisha hilo, mwaka huu mamlaka hiyo imepata tuzo ya kuwa mshindi wa kwanza kwa kutoa mafunzo ya ufundi pamoja na washindi wa pili.
Tuzo hizo zilizotolewa na Waziri Mkuu Mizengo Pinda katika Maonyesho ya Sabasaba yanayofanyika katika Viwanja vya Mwalimu Nyerere, Barabara ya Kilwa, Dar es Salaam. Pamoja na mambo mengine, katika maonyesho hayo Veta imeweka kitanda tiba, ambacho ni mahususi kwa watu wenye matatizo ya maumivu ya mgongo.
Akielezea juu ya kitanda hicho Salumu Machapati ambaye ni mmoja wa wanafunzi waliokitengeneza, alisema katika kitanda hicho mbali na mbao kuna matofali maalumu yaliyotengezwa na udogo pamoja na mkaa.
