JUMA NATURE, ROMA NA MWASITI KUFUNIKA TAMASHA LA AIRTEL SUPA5 MWISHONI MWA WIKI HII MWANZA

Tweeted this Like this, be the first of your Friends

Mchakato wa kuendelea kuitambulisha huduma ya Airtel Supa5 mikoani utaendelea mwishoni mwa wiki hii ambapo Airtel itaweka kambi mkoani Mwanza katika viwanja vya wazi vya Furahisha vilivyopo jijini Mwanza.
Akizungumzia tamasha hilo la kuitambulisha SUPA5 mkoani Mwanza Afisa Uhusiano wa Airtel, Bi Jane Matinde alisema lengo la kuunganisha utambulisho huu burudani ni kuwavutia vijana na wateja wengi kuhudhuria na kujifunza faida lukuki za SUPA5 ili waitumie zaidi.
Tamasha linafanyika kwa siku mbili mfululizo ambapo siku ya Jumamosi tunatoa fulsa kwa wasanii chipukizi kujitokeza kwa wingi kuonyesha vipaji vyao sambamba na kupata huduma ya Airtel SUPA5.
Jumapili itakuwa uzinduzi kamili ambapo wasanii wakubwa watatoa burudani BURE, akiwemo Juma Nature na kundi zima la Wanaume Halisi, Mwasiti a.k.a SOJA, Roma Mkatoliki a.k.a mzee wa tuzo kibao watatoa burudani kali kwa wateja watakaohuduria tamasha hilo BURE.
Bi Matinde pia amezungumzia lengo la huduma ya dili tano bomba zilizopo kwenye huduma ya SUPA5 kuwa Airtel inatimiza dhamira yake iliyojiwekea ya kufikisha na kupunguza gharama za mawasiliano nchini kote bila kuwasahau vijana na wanafunzi kunufaika kwa kupata internet bure wakati wa usiku, kutuma sms bure na faida nyingine nyingi.
Huduma ya Airtel SUPA5 ilizinduliwa rasmi siku za karibuni jijini Dar es Salaam kisha kufuatiliwa na kufanyika kwa matamasha ya burudani ya BURE katika mikoa ya Dodoma, Morogoro, Iringa, Arusha huku mwishoni mwa wiki hii itakuwa zamu ya wakazi wote wa Mwanza.

Wasanii mahiri waliokwishapamba majukwaa ya Airtel SUPA5 hadi sasa kwa mkoa wa Dar es salaam ni Fid Q, Mwasiti, Godzilla, pamoja na Kundi la Tip Top Connection akiwemo Madee, Tundaman, Richard na Dogo Janja kwa mkoa wa IRINGA ni Juma Nature na kundi zima la Wanaume Halisi, Roma Mkatoliki, pamoja na Kundi la Tip Top Connection akiwemo Madee, Tundaman na Richard. Mkoa wa Morogoro na Dodoma ni kundi mahiri la Wanaume Family likiongozwa na Chegge na Temba na kukamilisha ladha ya zaidi kwa kuwepo kwa Bendi Maarufu jijini ya Mashujaa ikiongozwa na kingunge Charles Baba na wasanii wengine.