StatsCrop - Free website analyzer!
Hata mkali Mario Balotelli safari hii hakuweza kuikoa Azzurri na kipigo cha mabao 4-0, ambacho ni cha kwanza kutokea katika mchezo wa fainali ya michunao hiyo tangu mara ya mwisho Ujerumani Mashariki wakati huo ilipoifunga Urusi mabao 3-0 mwaka 1972.
Italia haikuwa miongoni mwa nchi zilizopewa nafasi ya kutwaa ubingwa. Ilishiriki michuno hiyo, huku ligi ya nyumbani ikiwa kovu la kashfa ya rushwa na upangaji matokeo.
Lakini pamoja na hayo, imepambana na kumaliza katika nafasi ya pili, pengine hawana sababu ya kujutia.
''Ulikuwa mchezo mkubwa kwetu mwaka huu," alisema Kocha wa Italia Cesare Prandelli. "Jambo la kujutia kufungwa kwetu, ni kwamba hatukuwa na nafasi zaidi ya kujipanga, tulikwenda uwanjani tukiwa nguvu tofauti na washindani wetu.''
Lakini Prandelli alikasirishwa kuona kikosi chake kikiwa na watu nane nyuma kikishindwa kuondoa hatari na kupelekea bao la kwanza dakika ya 14 likifungwa na David Silva.
Dakika saba baadaye, beki wa kutegemewa Italia Giorgio Chiellini alijitonesha misuli ya nyuma ya goti, tatizo alilowahi kupata kwenye mchezo dhidi ya England robo fainali.
Kiungo Daniele De Rossi, ambaye alilazimika kutoka kwenye mchezo dhidi ya England, alicheza bila kuwa fiti kwa asilimia 100.
'Tulipobaki 10 uwanjani tusingeweza kufanya lolote," alisema Prandelli. ''Tulijaribu kurejea kwenye mchezo kipindi cha pili, lakini tulipompoteza Thiago Motta mechi ilikuwa imekwisha kwetu.''
Nafasi ya Motta ilichukuliwa na Riccardo Montolivo dakika nne zilizotangulia.
''(Montolivo) alikuwa amechoka sana," alisema Prandelli. Kwa ufupi, sehemu yote ya kiungo chetu ilikuwa imechoka.''
''Lakini pamoja na kupoteza, ni lazima tufahamu kwamba tulichofanya kinastahili pongezi, tulionyesha uwezo kwenye mashindano."
